香港新浪網 MySinaBlog
« 上一篇 | 下一篇 »
Daynight | 21st Jun 2010 | 意見, 體育 | (267 Reads)

荷蘭對日本 (1-0 荷蘭勝)

淨係睇左上半場, 日本守得唔錯, 但荷蘭總算憑史奈達的火焰射球一箭定江山. 恭喜風車國成為首支進身十六強的球隊.

加納對澳洲 (1-1 平手)

睇左少少, 非洲佬又係靠十二碼入波. 如果佢地冇十二碼就唔識得入球, 咁下場德國勝算頗大, 好野. 只可惜袋鼠國贏唔到佢地, 如果唔係會對德國更加有利.

丹麥對喀麥隆 (2-1 丹麥勝)

當初冇諗過睇呢場, 但不枉我睇左, 因為真係幾好睇. 睇住兩隊係咁進攻總好過淨係識擺鐵桶陣等波到. 兩隊都表現都好過上一場好多, 不過丹麥今場的射門比較準, 呢個亦係佢地可以勝出的主要原因. 至於喀麥隆除左伊度奧其餘的射術都有待改進. 希望藍罐曲奇國下場打贏AV國進軍十六強.

斯洛伐克對巴拉圭 (0-2 巴拉圭勝)

冇睇, 但預左巴拉圭會贏. 希望佢地下場贏埋綿羊國, 咁意粉國出線的機會率又會大一d.

意大利對紐西蘭 (1-1 平手)

屌, 又係大簡累事, 又係要靠 De Rossi 先爭取到入球機會. 人地綿羊國成場都係得守字, 俾哂機會你地進攻都唔能夠反勝. 好老實講, 下場真係不敢樂觀. 

巴西對象牙海岸 (3-1 巴西勝)

再次證明巴西一入到對方禁區就近乎無敵. 先唔講法比安奴第二球有冇手球. 冇左北韓的鐵桶陣, 巴西今場生猛左好多, 抵贏. 至於另一邊, 我覺得佢地真係咁多支非洲球隊之中最似樣的, 但對手係巴西, 入到一球都算係咁啦.

留言(0) | 引用(0) | 話題(運動)