香港新浪網 MySinaBlog
« 上一篇 | 下一篇 »
Daynight | 19th Jun 2010 | 意見, 體育 | (106 Reads)

德國對塞爾維亞 (0-1 塞爾維亞勝)

OMG !!! 又一爆冷 !!! 在下的心水球隊德意志居然輸波 !!! 老實講, 個球證出手真係重左d. 如果唔係高路斯都唔駛咁早離場. 只可以話佢地今日真係好黑仔, 射門中柱不得止連拿手好戲的十二碼都俾人救到. 下半場個後防又幾度派膠, 好彩對手射失哂, 否則之前係澳洲賺到的得失球實全數報銷. 假設明日加納贏到澳洲, 德國下場對加納最好贏波, 咁就實首名出線. 打和唔係唔得, 但大前提係塞爾維亞對澳洲一定唔可以贏, 否則可以提早番德國 (德國對上一次分組賽出局係1938年). 此外, 今場德國亦創出以下記錄:

  • 自1974年首次係世界盃決賽週射失十二碼
  • 自1986年首次係世界盃分組賽輸波 

所以下場幾大都要贏呀. 唔係的話德國國家隊就會俾佢地丟盡架啦.

P.S. 有人話呢場可能係假波, 唔知呀. 但在下覺得今日的德國隊同大家熟悉的德國隊真係有幾大出入. 而且, 高路斯係唔係真係咁on9食左張黃牌都仲要犯同一個錯誤?

美國對斯洛文尼亞 (2-2 平手)

美國都算唔話得架啦, 半場落後二比零都追得番 (如果德國今日有呢種鬥志同運氣咪好囉). 如果唔係個球證搞到美國最後食左個炸糊, 佢地已經贏左添啦. 不過過左今場, 仲會唔會有人覺得斯洛文尼亞係魚腩呢?

英格蘭對阿爾及利亞 (0-0 平手)

賽前全世界都睇好英格蘭, 但英軍再一次證明自己係睇得唔打得. 唔好話對手守得勁, 係你地自己冇態. 一班係英超也文也武的球星今日居然冇辦法破到對方的防線, 淨係識亂咁遠射. 最仆街的係, 佢地連傳波都可以廢到無倫. 今日英格蘭傳波的失誤次數係多到呀媽都唔認得, 當中仲有驚險的謝拉特式回傳. 如果足球好似藍球咁有turnover呢樣野, 咁英軍今日的turnover次數起碼都有三四十啦. 雖然個人仍然希望英格蘭出線, 但如果佢地下場繼續夢遊亂咁黎的話, 真係出左局都唔會有人可憐佢地.

今日係高登見到呢張相, 真係當堂笑左出聲:


[1]

2010南非世界盃發展到宜家,除左vuvuzela同jabulani外,最有印象就係好多所謂魚腩都充滿魚骨,大概全部都係淡水魚,特別多骨,唔小心食隨時啃死。


[引用] | 作者 @man L. | 19th Jun 2010 | [舉報垃圾留言]



岩, 所以我地唔應該再睇小d所謂 "弱隊". 就好似在下另一心水意大利, 如果唔小心, 分分鐘連紐西蘭同斯洛伐克都贏唔到.
至於Vuvu問題, 比起day1的開幕賽事已經好左好多架啦

[引用版主回覆] | 作者 Daynight | 20th Jun 2010