香港新浪網 MySinaBlog
« 上一篇 | 下一篇 »
Daynight | 18th Jun 2010 | 意見, 體育 | (146 Reads)

第十二場: 智利對洪都拉斯 (1-0 智利勝)

冇睇

第十三場: 西班牙對瑞士 (0-1 瑞士勝)

終於爆冷啦. 地上最強的鬥牛勇士西班牙居然不敵瑞士朱古力. 跟北韓差唔多, 瑞士擺出鐵桶陣, 西班牙一係俾人搶左個波一係不斷打飛機. 再一次證明, 控球率高係冇用既, 一個錯失就足以左右賽果. 而且西班牙的進攻模式非常呆板, 係最後十幾分鐘班友除左係右路斬高波入中路之外就好似乜都唔識咁. 佢地明知個波未去到中路就會俾瑞士球員頂走就唔該諗下其他辦法啦. 人地巴西都搵到方法破北韓的銅牆鐵壁, 你地身為歐洲最強居然可以技窮成咁, 抵輸.

第十四場: 南非對烏拉圭 (0-3 烏拉圭勝)

睇左最後果十分鐘, 對賽果不感到意外. 慶幸終於又有場波開大.

第十五場: 阿根廷對南韓 (4-1 阿根廷勝)

如果阿根廷能夠保持今日咁既水準, 八強一定冇走雞. 相反, 南韓今日好似有少少hea踼的感覺. 如果係的話都可以理解, 因為下一場對尼日利亞先至係關鍵.  

第十六場: 希臘對尼日利亞 (2-1 希臘勝)

尼日利亞自己派膠, 冇得怨. 見到個龍門輸波之後喊得咁犀利我都戥佢難過. 俾着我都想喊啦, 我咁落力去救波, 但你地班廢柴幫唔到手之餘仲要俾麻煩我.

第十七場: 法國對墨西哥 (0-2 墨西哥勝)

爛泥扶唔上柄, 賽前已經估到法國輸梗. 其實墨西哥都唔係話打得非常之好 (成場大家都係度表演鬥射飛機), 不過法國實在太差. d進攻射門完全係隔靴搔癢, 全無威脅. 睇完阿根廷的演出, 再睇番法國, 佢地都係執包袱走人算啦. 睇死你下場冇可能大炒南非架啦.
留言(1) | 引用(0) | 話題(運動)

[1]

原來法國真係連一盤散沙都不如......另,尼日利亞個紅牌阿姑實在不智,如非咁早打少個,希臘根本唔夠踢,安耶馬打得咁落力都輸,俾著我都激死。

西班牙我無睇(因工作關係),不過如果好似blog主所講,最後西班牙只係不斷斬高波,就真係注定無運行,畢竟呢隊所謂地上最強根本平均身高勁矮,而且瑞士人勁高,咁打都係得啖笑~


[引用] | 作者 @man L. | 18th Jun 2010 | [舉報垃圾留言]



除左西班牙, 連德國都輸波, OH NO !!!

[引用版主回覆] | 作者 Daynight | 18th Jun 2010