香港新浪網 MySinaBlog
« 上一篇 | 下一篇 »
Daynight | 16th Jun 2010 | 意見, 體育 | (110 Reads)

第六場: 阿爾及利亞對斯洛文尼亞 (0-1 斯洛文尼亞勝)

在下實在冇理由七點半咁早起身睇呢兩隊唔知乜水的球隊打波, 冇睇.

第七場: 塞爾維亞對加納 (0-1 加納勝)

睇左上半場大約35分鐘, 好悶. 跟住就繼續搵周公. 塞爾維亞今年又俾人話係黑馬, 黑條毛咩!

第八場: 德國對澳洲 (4-0 德國勝)

在下仲以為自己睇緊足球小將入面的德國青年軍. 成場攻勢不斷, 次次足以攞澳洲命. 起波又準, 傳送又掂, 又有組織, 澳洲成班人處於守勢都阻唔到德國, 咁冇計架喎. 如果唔係德國埋門一腳差少少, 分分鐘係02年對沙地阿拉伯的重演. 睇左咁多場, 德國係踼得最似樣.

第九場: 荷蘭對丹麥 (2-0 荷蘭勝)

冇想像中咁好睇, 唔係丹麥老烏, 荷蘭未必入到第二球. By the way, 荷蘭套衫配埋條褲幾好睇, 好似74年告魯夫時代果套.

第十場: 日本對喀麥隆 (1-0 日本勝)

只可以話, 日本有運. 但喀麥隆真係令人失望, 有身型, 有高度, 有體能都唔能夠好好善用, 射門又少. 伊度奧又唔多做到野.

第十一場: 意大利對巴拉圭 (1-1 平手)

意大利搞乜呀? 走得又慢, 跳又唔夠人高, 點同速度快又靈活的巴拉圭鬥呀? 仲有, 作為擅於防守的意大利居然可以有幾個驚險鏡頭, 唉. 不過既然打和, 算啦.

第十二場: 新西蘭對斯洛伐克 (1-1 平手)

冇睇 + 唔想睇.

第十一場: 科特迪瓦對葡萄牙 (0-0 平手)

場波幾悶, 兩隊的攻擊都唔係好到肉. 係最後幾分鐘先至好睇少少. 不過預左打和.

第十一場: 巴西對北韓 (2-1 巴西勝)

其實結果都唔算好意外, 因為北韓實在太神秘啦. 佢地勝在有鬥志, 戰意甚高, 而且佢地的防守真係幾得, 當巴西球員一掂到個波就有幾位北韓球員去招呼佢. 但進攻就有待改進 (雖然入果球係幾好), 球技始終同巴西差五六條街. 但點都好, 經過今次, 想信全世界不少人都會對北韓改觀. 老實講, 如果佢地繼續打出呢個水準, 要次名出線絕對唔係神話.


[1]

終於進入第二輪分組賽,入球明顯增多,blog主可以無咁悶喇~anyway,幾隊名氣球隊都在首輪失分,次輪會更精彩,今晚我估法國可擊敗墨西哥(雖然我唔太like公雞隊)


[引用] | 作者 @man L. | 17th Jun 2010 | [舉報垃圾留言]



我反而覺得墨西哥會贏, 至少打和

[引用版主回覆] | 作者 Daynight | 17th Jun 2010