香港新浪網 MySinaBlog
« 上一篇 | 下一篇 »
Daynight | 13th Jun 2010 | 意見, 體育 | (139 Reads)

在下決定由現在開始, 定時在此為世界盃的某些賽事寫下感想. 在下不是狂熱足球迷, 所以分析多數都會很膚淺. 不喜歡和不認同的話請多多包涵.

第一場: 南非對墨西哥 (1-1 平手)

淨係睇左頭十分鐘, 之後要送外婆去牙醫冇得睇. 不過場內d喇叭聲好嘈好煩, 好似有一大堆烏蠅係個鐘頭側邊飛黎飛去咁.

第二場: 法國對烏拉圭 (0-0 平手)

烏蠅聲冇上一場咁大聲, 可以接受. 但場波真係有d悶, 烏拉圭好似得科蘭射過波咁. 法國隊又係咁遠射, 但全部打飛機. 睇黎法國隊真係唔識入波. 而且我又唔明點解唔一早放亨利上陣.

第三場: 南韓對希臘 (2-0 南韓勝) 瞓過龍miss左頭35分鐘, 賽前tip南韓贏2-1, 因為我都估到希臘好廢. 事實上, 希臘隊真係好廢. 我由35分鐘打後開始睇, 完全唔知成team人係度做緊乜. 守又唔係守得好好, 進攻 ...... 我真係唔覺得佢地有攻過囉. 尤其是on99俾星仔入左第二球後, 成班人直情好似係度夢遊咁. 唔係講笑, 如果南韓keep住咁落去, B組第二位非佢莫屬.

第四場: 阿根廷對尼日利亞 (1-0 阿根廷)

網上好多人都話阿根廷今日打得差, 但我又唔係咁認為. 阿根廷只贏一球的最大原因係尼日利亞個門將上左身. 如果唔係, 美斯晨早就入左波啦. 射左幾球靚波都俾人救到咁有乜辦法? 至於尼日利亞, 賽前在下真係高估左佢地. 基本上, 除左個龍門, 成隊都係廢的. 防守只靠身型, 進攻直情係天大的笑話, 係完全冇組織. 係右路傳波俾中路居然可以冇人接應. 射角球個波又成日飛過人群然後出界. 但最勁的係, 呢隊事前俾大家睇好的球隊居然連射門都唔識. 成場波大大話話都有十幾次射門, 但得一次係射中個龍門, 其餘就唔知射左去邊. 十幾碼的射門都可以變左做飛機波, 好野.

第五場: 英格蘭對美國 (1-1 平手)

淨係睇左上半場, 但都夠啦. 睇住君子拳王快速入波, 到門將格連的牛油手送分俾美國. 後者已經成為左世界盃最有娛樂性的moment, 相信之後都唔會有邊個哈碌會好得過呢個. 卡斯拿斯今次做左先知, 高登仔開始奉佢為神明啦.